لاہور (این این آئی)لاہور میں نشہ آور دوا پلا کر 14سالہ لڑکی سے جنسی زیادتی کرنے والے ملزم اور اسکی بہن کو غالب مارکیٹ پولیس نے گرفتار کر لیا۔
بتایا گیاہے کہ 14سالہ لڑکی گھر سے اکیڈمی کے لئے جا رہی تھی، ملزم اور اس کی بہن متاثرہ لڑکی کو ورغلا کر اپنے ساتھ کوارٹر لے گئے، ملزم دانیال نے لڑکی کو نشہ آور دوا پلا کر زیادتی کی اور ویڈیوز بھی بنائی ۔ملزم ویڈیوز سوشل میڈیا پر وائرل کرنے کی دھمکیاں دے کر متاثرہ کو بلیک میل کرتا رہا۔ایس پی ماڈل ٹائون اسد علی نے کہا کہ گرفتار ملزمان کے خلاف مقدمہ درج جینڈر سیل کے حوالے، بچوں کا استحصال کرنے والے کسی رعایت کے مستحق نہیں۔
