اسلام آباد(این این آئی)آمدنی کے ذرائع بتائیں،مسلم لیگ ن کے اہم رہنما نیب کے ریڈار میں آگئے،سوالنامہ جاری کر دیا،قومی احتساب بیورو (نیب) نے پاکستان مسلم لیگ کے رہنما اور سابق گورنر خیبر پختونخواہ سردار مہتاب احمد خان عباسی کو آمدنی کے ذرائع ظاہر کرنے کیلئے سوالنامہ جاری کر دیا ہے۔نیب نے سوالنامہ میں مہتاب عباسی سے آمدنی کے ذرائع، بچوں کی تعلیم پر اٹھنے والے اخراجات،  بیرون ملک کیے گئے سفر اور اس پر اٹھنے والے اخراجات کی تفصیل پوچھی ہے۔نیب نے لیگی رہنما سے سوال کیا کہ

کیا انہوں نے یا  زیر کفالت کسی فرد نے سوئٹزرلینڈ اور سوئیڈن میں سرمایہ کاری کی ہے؟۔نیب نے مہتاب عباسی سے ٹیکسلا میں کشمیر ہاوسنگ سوسائٹی میں سرمایہ کاری کی تفصیل فراہم کی ہدایت کی ہے۔ نیب نے یہ بھی سوال کیا کہ کیا آپ کے بیٹے شمعون عباسی کا احمد نواز نامی کوئی دوست ہے؟ اور کیا دونوں نے کوئی مشترکہ سرمایہ کاری کی ہے؟نیب نے مہتاب عباسی سے یہ بھی پوچھا ہے کہ کیا انہوں نے منافع بخش قومی ائیر لائن پی آئی اے کا روٹ منسوخ کر کے نجی ائیر لائن ایئر بلو کو نوازا؟۔