اسلام آباد (نیوز ڈیسک) سپارکو کا کہنا ہے کہ شوال کا چاند 19 مارچ کی صبح 6 بجکر 23 منٹ پر نظر آئے گا۔
سپارکو کے مطابق 19 مارچ کو غروب آفتاب کے وقت چاند کی عمر تقریباً 12 گھنٹے 41 منٹ ہوگی۔ 19 مارچ کی شام کو شوال کا چاند نظر آنے کے امکانات کم ہیں۔ اس سال 30 روزے رکھنے کے امکانات ہیں جبکہ عید الفطر 21 مارچ کو ہونے کا امکان ہے۔سپارکو نے واضح کیا ہے کہ شوال کا چاند نظر آنے کا حتمی اعلان مرکزی رویت ہلال کمیٹی کرے گی۔ دوسری جانب شوال کا چاند دیکھنے کے لیے مرکزی رویت ہلال کمیٹی کا اجلاس 19 مارچ کو اسلام آباد میں طلب کر لیا گیا ہے۔
اجلاس کی صدارت مرکزی رویت ہلال کمیٹی کے چیئرمین مولانا عبدالخبیر آزاد کریں گے جب کہ اجلاس میں تمام مکاتب فکر کے علمائے کرام، محکمہ موسمیات اور متعلقہ اداروں کے نمائندے شرکت کریں گے۔
