کراچی(این این آئی)سندھ حکومت نے جمعة الوداع کوصوبے بھر میں عام تعطیل کااعلان کردیا۔
وزیر بلدیات سندھ سید ناصر حسین شاہ نے اپنے ویڈیوبیان میںکہاکہ سندھ حکومت نے جمعة الوداع کے موقع پر عام تعطیل کا اعلان کیا ہے۔انہوں نے کہاکہ کراچی کی ایک اہم شاہراہ کو رہبرِ معظم آیت اللہ خامنہ ای کے نام سے منسوب کیا جائے گا۔انہوں نے کہا کہ جمعتہ الوداع پر شارع فیصل پر ریلی نکالنے کی اجازت نہیں دی جاسکتی، تمام تنظیمیں اپنے روایتی روٹس پر ریلی نکالیں۔انہوں نے واضح کیا کہ عدالتی احکامات کے پیش نظر شاہراہ فیصل پر ریلی نکالنے کی اجازت نہیں۔
وزیر بلدیات نے تمام شیعہ تنظیموں سے اپیل کی کہ وہ یومِ القدس کے موقع پر اپنے روایتی روٹس کے مطابق ریلیاں نکالیں اور قانون و ضابطے کی پابندی کریں۔حکومت کی کوشش ہے کہ یومِ القدس کے اجتماعات پرامن اور منظم انداز میں منعقد ہوں۔
