اسلام آباد(مانیٹرنگ ڈیسک) وزیر اعلیٰ پنجاب عثمان بزدار کے بھائی پر وزیر اعلیٰ ہاؤس کا لیٹر پیڈ استعمال کرنے کا الزام لگ گیا۔تفصیلات کے مطابق وزیر اعلیٰ کے بھائی سردار جعفربزدار نے وزیراعلیٰ ہاؤس کا لیٹر پیڈ استعمال کیا جس پر ایک گاڑی کا نمبر درج ہے۔لیٹر پیڈ پر تحریر کیا گیا ہے کہ گاڑی کا مالک قریبی عزیز ہے۔لیٹر پیڈ پر سردار جعفر بزدار کا نام واضح طور
پر درج ہے۔لیٹر پیڈر کی تصویر ایک ٹریفک وارڈن نے بنائی۔مذکورہ گاڑی کے مالک نے اس لیٹر پیڈ کی لیمینیشن کروائی ہوئی تھی اور وہ شہر میں جگہ جگہ یہ لیٹر پیڈز دکھا کر چالان ہونے سے اپنی جان چھڑاتا تھا۔یاد رہے اس سے قبل بھی سرکاری محکموں میں وزیر اعلیٰ پنجاب کے نام پر فراڈ اور نا معلوم افراد کی جانب سے عثمان بزدار کے نام پر فیک کالز کا انکشاف سامنے آیا تھا۔
