لاہور ( نیوز ڈیسک)مسلم لیگ (ق) پنجاب کی جوائنٹ سیکرٹری تمکین آفتاب ملک نے کہا ہے کہ نئے پاکستان میں جمہوریت کو نہیں کرپٹ مافیا کو جیل جانے کا خطرہ ہے،پنجاب میں دس سال شہباز شریف کی حکومت رہی لیکن ان کو پروڈکشن آڈر قانون بنانے کا خیال نہیں آیا۔ واضح رہے کہ پنجاب میں گرفتار اراکین اسمبلی کی اسمبلی میں شرکت کیلئے پروڈکشن آرڈر کا قانون موجود نہیں اور اس حوالے سے اب سپیکر پنجاب اسمبلی چوہدری پرویز الٰہی نے قدم اٹھاتے ہوئے ایک کمیٹی تشکیل

دی ہے جو اس حوالے سے کام کر رہی ہے۔تمکین آفتاب اقبال کا کہنا تھا کہ سپیکر پنجاب اسمبلی چوہدری پرویز الٰہی نے جمہوری روایات کو فروغ دیتے ہوئے پروڈکشن آڈر کے معاملے پر کمیٹی بنائی ہے ۔کیونکہ آئندہ مزید لوگوں کے پروڈکشن آڈر جاری کی ضرورت پڑھ سکتی ہے۔ن لیگ کے اکثر اراکین اسمبلی نیب کے ریڈار پر ہیں کیونکہ دس سال یہ لوگ سیاہ و سفید کے مالک رہے ہیں اب قومی خزانے کو لوٹنے کا حساب دینا پڑھ رہا ہے تو جمہوریت کو خطرہ قرار دے رہے ہیں ۔

موضوعات:پروڈکشن آرڈر پرویز الٰہی پنجاب اسمبلی تمکین آفتاب اقبال