اسلام آباد(مانیٹرنگ ڈیسک) پاک فوج اور رینجرز کے جوانوں کا دورہ قذافی سٹیڈیم ، سکیورٹی انتظامات کا جائزہ لیا۔ تفصیلات کے مطابق پاکستان سپر لیگ کے فائنل میچ کے انعقاد کے حوالے سے قذافی سٹیڈیم کی تزئین و آرائش کے ساتھ سیکورٹی انتظامات کو بھی فول پروف بنانے کیلئے اقدامات جاری ہیںاس سلسلے میں پاک فوج اور رینجرز
جوانوں نے قذافی اسٹیڈیم کا دورہ کیااور سیکیورٹی انتظامات کا جائزہ بھی لیا ۔نجی ٹی وی رپورٹ کے مطابق آرمی اور رینجرز نے سٹیڈیم پہنچ کر داخلی اور خارجی راستوں پر سکیورٹی انتظامات کا جائزہ لیا جبکہ اس موقع پر سی سی ٹی وی کیمروں کی لوکیشن کا بھی جائزہ لیا گیا ہے۔ واضح رہے کہ آرمی چیف جنرل قمر جاوید باجوہ پاکستان سپر لیگ کے فائنل کے قذافی سٹیڈیم لاہور میں انعقاد کے لیے سکیورٹی انتظامات کی یقین دہانی کرا چکے ہیں۔
