لندن( آن لائن )برطانیہ کی ایک مقامی عدالت نے ایک 34 سالہ شخص کو اسپتال سے تین ماسک چوری کرنے کے الزام میں 12 ہفتے قید کی سزا سنائی ہے۔ ملزم کو ہرماسک پرایک ایک ماہ قید کی سزا سنائی گئی۔میڈیارپورٹس کے مطابق برطانوی میٹروپولیٹن پولیس گذشتہ اتوار ایک 34 سالہ شخص جس کی شناخت لیرون حسین کے نام سے کی گئی کو وسطی لندن سے حراست میں لیا۔اس پر الزام ہے کہ اس نے کنگ کالج اسپتال سے 3 ماسک چوری کیے اور وہ پکڑا گیا تھا۔

ملزم کوبرطانوی دارالحکومت لندن کی ایک مجسٹریٹ عدالت میں پیش کیا گیا جہاں عدالت نے پولیس کا موقف سننے کے بعد 12 ہفتے قید کی سزا سنائی۔ خیال رہے کہ کرونا سے قبل ان میڈیکل ماسک کی قیمت چار ڈالر سے زیادہ نہیں تھی مگر اب یہ دوگنا ہو کر8 ڈالر تک پہنچ گئی ہے۔ملزم نے بھی اسپتال سے ماسک چوری کرنے کا اعتراف کیا ہے۔ماسک چوری پر تین ماہ قید کی سزا کی خبر سوشل میڈیا پر جنگل کی آگ کی طرح پھیل گئی اور اس پر لوگوں کی طرف سے ملا جلا ردعمل سامنے آیا ہے۔

موضوعات:ماسک