اسلام آباد (مانیٹرنگ ڈیسک) دو سو، تین سو، چارسو بھی نہیں، نواز شریف کی ریلی میں کتنی سرکاری گاڑیاں شریک ہیں؟ تفصیلات کے مطابق سابق وزیراعظم نواز شریف کے قافلے میں سرکاری گاڑیوں کی تعداد 650 سے زائد ہے، ذرائع کے مطابق ان گاڑیوں میں 70 سے زیادہ گاڑیاں واپڈا کی ہیں۔ نوازشریف کے قافلے میں پنجاب ایکسائز ڈیپارٹمنٹ کی 62 اور پنجاب پولیس کی
68 گاڑیاں شامل ہیں، اس کے علاوہ پنجاب ریونیو کی 61 اور پاکستان ریلوے کی 58 گاڑیاں قافلے کا حصہ ہیں۔ ذرائع نے مزید انکشاف کیا کہ محکمہ تعلیم کی 52 گاڑیاں بھی قافلے میں شامل ہیں، جب کہ سوئی ناردرن کی 41 گاڑیاں بھی قافلے کا حصہ ہیں ان گاڑیوں کی نمبر پلیٹس بھی تبدیل کر دی گئی ہیں۔ اس کے علاوہ کچھ بغیر نمبر پلیٹ گاڑیاں بھی اس قافلے کی رونق بڑھا رہی ہیں۔