ہیلمٹن (این این آئی)نیوزی لینڈ کیخلاف مسلسل شکستوں پر پاکستانی ٹیم کے مداحوں کی بڑی تعداد نے اپنے خدشات کا اظہار کردیا۔سماجی رابطے کی سائٹ ایکس (ٹوئٹر) پر نیوزی لینڈ سے ٹی20 انٹرنیشنلز اور پھر مسلسل 2 ون ڈے انٹرنیشنل میچز میں ہار پر قومی کرکٹ ٹیم کی کارکردگی پر شدید تنقید کرتے ہوئے پریشانی کا اظہار کیا ہے۔ہیملٹن میں کھیلے گئے دوسرے ون ڈے میچ میں نیوزی لینڈ نے پاکستان کو شکست دیکر سیریز 0ـ2 سے اپنے نام کی۔

سیریز میں بدترین کارکردگی کا مظاہرہ کرنے پر پاکستانی کرکٹرز کو سوشل میڈیا پلیٹ فارمز پر ٹرول کیا جارہا ہے، ایک صارف نے کہا کہ اسٹار کرکٹرز کی عدم موجودگی میں کیویز کی سی ٹیم نے پاکستان ہرایا۔ایک صارف نے اعداد و شمار پیش کیے کہ نیوزی لینڈ میں کھیلے گئے آخری 12 میچ میں سے 12 میں پاکستان کو کیویز کے ہاتھوں شکست کا منہ دیکھنا پڑا ہے۔ادھر دیگر پلیٹ فارمز پر فینز نے گرین شرٹس کو آڑے ہاتھوں لیتے ہوئے کہا کہ قومی ٹیم کی مایوس کن کارکردگی سے انہیں جلد ایسوسی ایٹ ملک بنانے والی ہے۔