لندن (این این آئی)کئی مداحوں کی طرح خود ساختہ گلوکار چاہت فتح علی خان کو بھی پاکستان کرکٹ ٹیم کی کارکردگی پسند نہیں اّئی، اس لیے انہوں نے کھلاڑیوں کو مشورے دیے ہیں۔برطانیہ میں گفتگو کرتے ہوئے چاہت فتح علی خان نے کہا کہ جب میں کرکٹ کھیلتا تھا تو دن میں 2 مرتبہ دودھ پیتا تھا جس سے جسم ٹھیک رہتا ہے۔

چاہت فتح علی خان نے کہا کہ امریکا سے ہار گئے، بنگلا دیش سے بھی ہار گئے، لگتا ہے کھلاڑیوں نے دودھ پینا بند کر دیا ہے۔انہوں نے پاکستانی کرکٹرز کو دودھ پینے، دہی اور پھل کھانے کا مشورہ بھی دیا ہے۔چاہت فتح علی خان نے کہا کہ میں نے وسیم اکرم اور وقار یونس کے ساتھ کرکٹ بھی کھیلی ہے، پاکستان ٹیم کا مجھے سمجھ نہیں آ رہا، لگتا ہے خوشی نہیں ہے، جو بھی کام کریں خوشی سے کریں۔