لاہور(این این آئی) قومی کرکٹ ٹیم کے اوپنر بیٹسمین فخر زمان ون ڈے رینکنگ میں گیارہویں پوزیشن پر آگئے۔اوپنر نے نیوزی لینڈ کے خلاف عمدہ بیٹنگ کی بدولت 6درجے چھلانگ لگائی، ٹاپ ٹین میں شامل واحد پاکستانی بیٹسمین بابراعظم پانچویں نمبر پر ہیں، پاکستان کے خلاف عمدہ کارکردگی کا مظاہرہ کرنے والے روس ٹیلر کیریئر کی بہترین تیسری پوزیشن پر قبضہ جمانے میں کامیاب ہوگئے ہیں۔ویرات کولی نمبر ون، روہت شرما
دوسرے نمبر پر ہیں۔ جوئے روٹ نے چوتھی پوزیشن سنبھال رکھی ہے۔دوسری طرف ٹاپ ٹین بولرز میں کوئی پاکستانی شامل نہیں، حسن علی13ویں جبکہ 16 درجے بہتری پانے کے باوجود شاداب خان 24 ویں نمبر پر ہیں، ٹاپ 5 بولرز میں جسپریت بمرا، راشد خان، کلدیپ یادیو، کا گیسو ربا دا اور یوزیندرا چاہل شامل ہیں۔ ٹیموں کی ون ڈے رینکنگ میں پاکستان کی پانچویں پوزیشن پر کوئی فرق نہیں پڑا، انگلینڈ بدستورنمبرون ہے۔
