لاہور(این این آئی) لاہور ریجن کرکٹ ایسوسی ایشن کے زیر اہتمام جاری انٹر زونل انڈر 19کرکٹ ٹورنامنٹ کے گروپ بی کے تیسرے مرحلے میں مزید تین میچز کا فیصلہ ہو گیا ہے ایل سی سی اے گراونڈ میں کھیلے جانے والے پہلے میچ میں ایسٹ زون ریڈز نے ویسٹ زون ریڈز کو دلچسپ
مقابلے کے بعد 8رنز سے شکست دے دی ایسٹ زون ریڈز نے پہلے کھیل کر مقررہ 40اوورز میں 9وکٹوں کے نقصان پر 191رنز بنائے بلال منیر نے 70رنز کی نمایاں اننگ کھیلی کرامت خان نے 5وکٹیں حاصل کیں ویسٹ زون ریڈز ہدف کے تعاقب میں 9وکٹوں کے نقصان پر 183رنز بنا سکی حارث خان نے 55اور دانیال احمد نے 53رنز بنائے صبت اللہ نے 2وکٹیں حاصل کیں بلال منیر مین آف دی میچ قرار پائے ۔اتفاق گراونڈ ایل آرسی اے میں کھیلے جانے والے دوسرے میچ میں ویسٹ زون گرینز نے نارتھ زون گرینز کو 51رنز سے زیر کیا ویسٹ زون گرینز نے پہلے کھیل کر مقررہ اوورز میں 3وکٹوں پر 296رنز بنائے علی اصغر نے 113اور شاہد خان نے 84رنز بنائے نارتھ زون گرینز جواب میں 9وکٹوں کے نقصان پر 245رنز تک محدود رہی محمد حسن نے 73اور ارشد شمشیر نے 68رنز کی نمایاں اننگ کھیلی اعجاز خان اور علی اصغر نے 3,3وکٹیں حاصل کیں علی اصغر مین آف دی میچ قرار پائے ۔ریس کورس گراونڈ میں منعقدہ تیسرے میچ میں ایسٹ زون گرینز نے نارتھ زون ریڈز کو 141رنز کے بڑے مارجن سے شکست دی ایسٹ زون گرینز نے پہلے کھیل کر مقررہ 40اوورز میں 9وکٹوں پر 234 رنز بنائے فرحان اسماعیل نے 58اور علی رضا 53رنز کے ساتھ نمایاں رہے عمر رزاق نے 3وکٹیں حاصل کیں نارتھ زون ریڈز جواب میں 93رنز پر ڈھیر ہوگئی آحل جاوید نے 28رنز بنائے امر شاہ نے 3وکٹیں حاصل کیں ۔
