دبئی(آئی این پی)قومی ٹیم کے لیگ سپنر شاداب خان نے رواں سال سب سے زیادہ ٹی ٹوئنٹی وکٹیں حاصل کرنے کا اعزاز اپنے نام کرلیا ہے ۔ شاداب خان نے نیوزی لینڈ کیخلاف تیسرے ٹی ٹونٹی میں روس ٹیلر کو آؤٹ کرکے رواں سال19ٹی ٹونٹی میچز میں 28شکار کرکے آسٹریلوی فاسٹ بالر اینڈریو ٹائی
کا ریکارڈ توڑا ہے ،اینڈرو ٹائی نے رواں سال 15میچز میں27وکٹیں حاصل کی تھیں ۔شاداب خان پاکستان کی جانب سے ایک سال میں ٹی ٹوئنٹی میچوں میں سب سے زیادہ وکٹیں لینے والے باؤلر بھی بن گئے ہیں اس سے قبل سعید اجمل نے2012میں 16میچوں میں 25وکٹیں حاصل کی تھیں۔
