چٹاگانگ (این این آئی) بنگلہ دیش اور زمبابوے کی ٹیموں کے درمیان دو ٹیسٹ میچوں پر مشتمل سیریز کا پہلا میچ (کل) ہفتہ سے سلہٹ میں شروع ہوگا۔ شیڈول کے مطابق دونوں ٹیموں کے درمیان دو ٹیسٹ میچوں پر مشتمل سیریز کا دوسرا اور آخری ٹیسٹ11 سے 15 نومبر تک ڈھاکہ میں کھیلا جائیگا۔ بنگلہ دیش
کےخلاف شیڈول ٹیسٹ سیریز میں شرکت کرنے والی زمبابوین ٹیم میں کپتان ہملٹن مسکڈزا، برائن چاری، کریگ ایرون، برینڈن ٹیلر، سین ولیمز، سکندر رضا، پیٹر مور، ریجس چیکبوا، ڈونلڈ ٹریپانو، کائل جروس، برینڈن ماووتا، ویلنگٹن مسکڈزا، ریان برل، ٹنڈئی چتارا اور کرسٹوفر موفو شامل ہیں ۔
