دبئی(این این آئی)پاکستان اور آسٹریلیا کی کرکٹ ٹیموں کے درمیان تین بین الاقوامی ٹی ٹونٹی میچوں پر مشتمل سیریز کا دوسرا میچ (آج) جمعہ کو دبئی میں کھیلا جائیگا ٗپاکستان ٹیم کو آسٹریلیا کے خلاف تین میچوں کی سیریز میں 1-0 کی برتری حاصل ہے۔ شیڈول کے مطابق دونوں ٹیموں کے درمیان تین میچوں کی سیریز کا دوسرا میچ (آج) 26 اکتوبر کو کھیلا جائے گا ٗ دونوں ٹیموں کے درمیان
تیسرا اور آخری میچ 28 اکتوبر کو دبئی میں ہی کھیلا جائے گا۔یاد رہے کہ پاکستان ٹیم کو آسٹریلیا کے خلاف تین میچوں کی سیریز میں 1-0 کی برتری حاصل ہے۔پاکستان ٹیم نے پہلے ٹی ٹونٹی میچ میں کینگروز کو یکطرفہ مقابلے کے بعد 66 رنز سے شکست دے کر برتری حاصل کی۔ اس سے قبل پاکستان کی ٹیم نے دو ٹیسٹ میچوں کی سیریز میں آسٹریلیا کی ٹیم کو 1-0 سے شکست دی تھی۔
