لاہور(این این آئی)پاکستان اورآسٹریلیاکی ٹیموں کے مابین اب تک کھیلے گئے ٹونٹی ٹونٹی میچوں میں پاکستان کاپلڑابھاری ہے۔دونوں ٹیموں کے مابین 18ستمبر2007ء سے8جولائی2018 تک مجموعی طورپر17ٹونٹی ٹونٹی میچزکھیلے گئے۔جن میں سے گرین شرٹس نے 9جبکہ کینگروز نے 7میں کامیابی حاصل کی ۔ایک میچ برابرہونے کے بعدپاکستان نے سپراوورمیں جیتا۔ٹونٹی ٹونٹی میچوں میں پاکستان کاآسٹریلیاکے خلاف کامیابی کاتناسب55.88فیصداورآسٹریلیاکاپاکستان

کے خلاف کامیابی کاتناسب44.11فیصدہے۔دونوں ٹیموں کے مابین آخری ٹی ٹونٹی میچ8جولائی2018ء کوہرارے میں کھیلاگیاجس میں پاکستان نے6وکٹوں سے کامیابی حاصل کی۔یواے ای میں پاکستان اورآسٹریلیاکی ٹیمیں چارسال بعدمدمقابل ہوں گی ۔دونوں ٹیموں کے مابین یواے ای میں آخری ٹی 20میچ5اکتوبر2014ء کودبئی میں کھیلاگیاجس میں آسٹریلیانے6وکٹوں سے کامیابی حاصل کی۔پاکستان اورآسٹریلیاکی ٹیموں کے درمیان یواے ای میں مجموعی طو رپر پانچ ٹی ٹونٹی میچز کھیلے گئے۔

موضوعات:ٹی ٹونٹی میچز