ابوظہبی(این این آئی)آسٹریلیا کے خلاف ٹیسٹ میں تباہی مچانے والے بولر محمد عباس نے اپنی کامیابی بیٹی کے نام کردی۔قومی ٹیم کے میڈیم فاسٹ بولر محمد عباس نے ابو ظہبی ٹیسٹ میں شاندار بولنگ کا مظاہرہ کرتے ہوئے آسٹریلوی بولنگ لائن کو تباہ کیا اور 10 وکٹیں اپنے نام کیں۔محمد عباس کو شاندار کارکردگی پر مین آف دی میچ اور مین آف دی سیریز قرار دیا گیا۔اس موقع پر محمد عباس نے کہا کہ اس کامیابی پر اللہ تعالیٰ کا شکر ادا کرتا ہوں، یہ دن بہت خوشی کے ہیں۔قومی کرکٹر نے کہا کہ گزشتہ روز بیٹی کی سالگرہ تھی اور اپنی

یہ کامیابی بیٹی کے نام کرتا ہوں۔محمد عباس کے مطابق پچ جیسی بھی ہو، میرا کام لائن میں بولنگ کرنا ہے، کوچ اظہر محمود سے میٹنگ ہوئی اور مخالف ٹیم کے پوائنٹس دیکھے، اسی پر بولنگ کی کوشش کی اور کامیابی ملی۔انہوں نے کہا کہ یہ کامیابی میرے لیے بہت بڑی عزت کی بات ہے، ٹیسٹ کا پہلا تجربہ ہے، کوشش تھی کہ یہ کام انگلینڈ میں کروں مگر نہیں کرسکا لیکن جلد سے جلد کرنے کی کوشش کی۔میڈیم پیسر کا کہنا تھاکہ محنت کررہا ہوں جب بھی ون ڈے میں ٹیم کو ضرورت ہوئی اور مینجمنٹ نے بلایا تو حاضرہوں گا۔

موضوعات:محمد عباس