چیمسفورڈ(آئی این پی) ایسیکس کانٹی کی ویرات کوہلی کے حوالے سے ستائشی ٹویٹ پر بھی بھارتی شائقین بھڑک اٹھے۔ایک روز قبل ڈرا پر ختم ہونے والے ٹیسٹ میں 5 مہمان بیٹسمینوں نے ففٹیز اسکور کیں،ان میں کپتان کوہلی بھی شامل تھے جس پر ایسیکس کی جانب سے ٹویٹ کیا گیا۔
کوہلی کرکٹ میں برا نہیں ہے، اس نے 67 بالز پر 50 رنز بنائے،اس پر ایک شائق نے کہا کہ کوہلی پوری دنیا میں عرصہ دراز سے رن مشین کے طور پر مشہور ہیں اور آپ کو اب علم ہورہا ہے، ایک اور نے لکھا کہ ٹیسٹ سیریز کا انتظار کریں جس میں یہ رن مشین تین سنچریاں اسکور کرے گی۔
