اسلام آباد (نیوز ڈیسک)ملک بھر میں سونے کی قیمتوں میں اضافے کا سلسلہ برقرار ہے اور آج بھی فی تولہ سونا مزید مہنگا ہو گیا،

جس کے بعد نئی قیمت ریکارڈ سطح پر پہنچ گئی۔آل پاکستان جیمز اینڈ جیولرز ایسوسی ایشن کے جاری کردہ اعداد و شمار کے مطابق فی تولہ سونے کی قیمت میں 5 ہزار 100 روپے کا اضافہ ریکارڈ کیا گیا، جس کے بعد ایک تولہ سونا 4 لاکھ 54 ہزار 336 روپے میں فروخت ہو رہا ہے۔بین الاقوامی مارکیٹ میں بھی سونے کی قیمت میں نمایاں اضافہ دیکھنے میں آیا۔ عالمی منڈی میں فی اونس سونا 51 ڈالر مہنگا ہونے کے بعد 4 ہزار 319 ڈالر تک پہنچ گیا، جس کے اثرات مقامی مارکیٹ پر بھی مرتب ہوئے۔مارکیٹ رپورٹس کے مطابق گزشتہ تین روز کے دوران سونے کی قیمت میں مسلسل اضافہ جاری ہے۔

اس عرصے میں فی تولہ سونا مجموعی طور پر 26 ہزار 400 روپے مہنگا ہو چکا ہے، جس کے باعث سرمایہ کاروں اور خریداروں کی توجہ ایک بار پھر قیمتی دھات کی جانب مبذول ہو گئی ہے۔