چترال (آئی این پی )ہنزہ کے گاؤں شمشال کی دو بہنوں سمیرا اور کرشمہ نے ہنزہ کی لڑکیوں میں فٹ بال کے دلچسپ مقابلے کروا کر کارنامہ انجام دیا ہے۔ہنزہ کے علاقے شمشال کے دو بہنوں نے لڑکیوں کو کھیل کے میدان میں اتارا، اس موقع پر فٹ بال کے مقابلوں میں حوصلہ افزائی کے لیے بہت
سے افراد گراؤنڈ میں موجود تھے۔گزشتہ سال شمشال گاؤں کی سطح پر فٹ بال کی ٹریننگ اور مقابلوں کے بعد اس سال ہنزہ کی سطح پر 8ٹیموں کے درمیان مقابلے کرائے گئے۔پانچ دن جاری رہنے والے اس فٹ بال ٹورنامنٹ میں 100 سے زائد لڑکیوں نے فٹ بال کھیل کر اپنی صلاحیتوں کے جوہر دکھائے۔
