کراچی (این این آئی) پاکستان اور ویسٹ انڈیز کے درمیان تین ٹی ٹونٹی میچز کی ڈے اینڈ نائٹ کرکٹ سیریز (کل) اتوار سے نیشنل کرکٹ سٹیڈیم کراچی میں شروع ہوگی اس سلسلے میں تمام انتظامات مکمل کرلئے گئے ہیں ۔میڈیا رپورٹ کے مطابق ٹی ٹونٹی سیریز کا پہلا میچ یکم اپریل کو پاکستانی وقت کے مطابق ساڑھے سات بجے شام ہوگا۔ دوسرا میچ 02 اپریل کو اور تیسرا میچ 03 اپریل کو ساڑھے سات بجے شام منعقد ہوگا۔
پی سی بی کے ڈائریکٹر میڈیا امجد بھٹی کے مطابق سیریز کے انعقاد کی تیاریاں مکمل کرلی گئیں۔ ویسٹ انڈیز کے خلاف سیریز کیلئے اعلان کردہ پاکستانی ٹیم میں احمد شہزاد، فخر زمان، بابر اعظم، شعیب ملک، آصف علی، سرفراز احمد ( کپتان ) حسن طلعت، فہیم اشرف، محمد نواز، شاداب خان، محمد عامر، حسن علی، راحت علی، عثمان خان شنواری اور شاہین شاہ آفریدی شامل ہیں۔
