کراچی(آئی این پی)پاکستان سپر لیگ( پی ایس ایل )تھری کی فاتح اسلام آباد یونائٹیڈ کے مالک علی نقوی نے کہا ہے کہ ہم اپنی جیت کا سفر جاری رکھتے ہوئے انشا اللہ اگلے سال پی ایس ایل میں بھی اپنے ٹائٹل کا دفاع کر کے جیت کی ہیٹ ٹرک مکمل کریں گے۔علی نقوی نے کہا ہے کہ ٹرافی لاہور قلندر کو ملے یا نہ ملے مگر ہم ٹرافی لاہور ضرور لیکر جائیں گے، ہم اپنی جیت کا سفر جاری رکھتے ہوئے انشا اللہ اگلے سال
پی ایس ایل میں بھی اپنے ٹائٹل کا دفاع کر کے جیت کی ہیٹ ٹرک مکمل کریں گے۔میڈیا سے بات چیت کرتے ہوئے انہوں نے کہا کہ مصباح الحق ٹیم کے اہم کھلاڑی رہے ہیں۔علاوی ازیں اسلام آباد یونائٹیڈ کے کھلاڑی جے پی ڈومنی نے کہا کہ کراچی میں کرکٹ کھیل کر اچھا لگا ، انٹر نیشنل کھلاڑیوں کو پاکستان میں کھیلنے پر راضی کرنا مشکل ہے۔ مصباح کے ہوتے اسلام آباد کا کپتان بننا میرے لیے اعزاز کی بات تھی۔
