لاہور(آن لائن)قومی ٹیم کے سابق کپتان شاہد آفریدی نے پی ٹی آئی کے چیئرمین عمران خان کو شادی پر مبارکباد دی ہے۔سوشل میڈیا پر اپنے پیغام میں شاہد آفریدی نے لکھا کہ آپ کو شادی کی مبارکباد، آپ کیلئے اور بھابھی کیلئے نیک خواہشات، اللہ آپ دونوں پر اپنا کرم کرے اور آپ کو خوشیاں عطا فرمائے۔

واضح رہے کہ قومی کرکٹ ٹیم کے سابق کپتان اور چیئرمین پی ٹی آئی عمران خان نے گزشتہ روز بشری بی بی سے تیسری شادی کی، اس سے قبل انہوں نے ریحام خان سے شادی کی جو محض9مہینے چل سکی جبکہ انہوں نے پہلی شادی1995میں جمائما خان سے کی تھی جس سے ان کے دو بیٹے قاسم خان اور سلیمان خان ہیں۔