اسلام آباد (مانیٹرنگ ڈیسک) ہاشم آملا نے پاکستانیوں کے دل جیت لئے۔ تفصیلات کے مطابق جنوبی افریقہ کے سابق کپتان ہاشم آملا نے کہا کہ پاکستان میں کھیلنے کا دوبارہ موقع ملنے پر بہت خوش ہوں۔ میڈیا سے بات چیت کرتے ہوئے ان کا کہنا تھا کہ اس سے پہلے 2007 میں پاکستان میں کھیلنے کیلئے آیا تھا اب دس سال بعد دوبارہ یہ موقع ملا ہے جس پر میں بہت خوش ہوں۔

انہوں نے کہا کہ پاکستان کرکٹ کیلئے ایک اچھا ملک ہے اور یہاں کے لوگ کرکٹ کو بہت پسند کرتے ہیں۔ انہوں نے بتایا کہ ان کے مزید پانچ ساتھی بھی پاکستان آ رہے ہیں۔ ہاشم آملا کا بیان پاکستان میں کرکٹ کو مزید فروغ دے گا اور پاکستان کیخلاف سازشی عناصر کے حوصلے پست ہوں گے۔