کولمبو(آن لائن) سری لنکا نے بھارت کے خلاف شیڈول دوسرے کرکٹ ٹیسٹ میچ کیلئے اسکواڈ کا اعلان کر دیا جہاں لہیرو تھریمانے کو 13 ماہ بعد اسکواڈ میں طلب کیا گیا ہے جبکہ ٹیم کے کپتان دنیش چندیمل کی بھی واپسی ہوئی ہے۔میزبان سری لنکا اور بھارت کے درمیان دوسرا ٹیسٹ کل سے شروع ہو گا اور مہمان بھارتی ٹیم کو تین میچوں کی سیریز میں 1-0 کی برتری حاصل ہے۔سری لنکا نے لکشن سنداکن کو بھی سکواڈ میں شامل کیا گیا ہے البتہ سورنگا لکمل کمر کی تکلیف کے باعث
دوسرے ٹیسٹ سے باہر ہو گئے ہیں۔انجری کا شکار اسپنر رنگنا ہیراتھ بھی اسکواڈ کا حصہ ہیں لیکن ان کی میچ میں شرکت کا فیصلہ ڈاکٹرز سے مشورے کے بعد میچ سے قبل کیا جائے گا۔اعلان کردہ اسکواڈ کپتان دنیش چندیمل، اینجلو میتھیوز، اپل تھرنگا، دمتھ کرونارتنے، نروشن ڈکویلا، کوشل مینڈس، دھاننجایا ڈی سلوا، دنشکا گناتھیلاکا، لہیرو کمارا، وشوا فرنینڈو، نووان پرادیپ، رنگنا ہیراتھ، دلروان پریرا، ملینڈا پشپاکمارا، لکشن سنداکن اور لہیرو تھریمانے پر مشتمل ہے۔
