اسلام آباد (این این آئی)پاکستانی فاسٹ باؤلر محمد عامر نے کہا ہے کہ انہیں بھارتی بلے باز روہت شرما کے خیالات سے کوئی مطلب نہیں ٗانہیں اپنی رائے دینے کا پورا حق ہے اور وہ ایک غیرمعمولی بلے باز ہیں۔گزشتہ سال ایشیا کپ ٹی20 میں محمد عامر نے شاندار اسپیل کرتے ہوئے روہت شرما سمیت تین بھارتی بلے بازوں کو پویلین رخصت کردیا تھا، پاکستان وہ میچ ہار گیا تھا لیکن اس میں عامر کے اسپیل کی بہت تعریف کی گئی تھی۔

جب میچ کے بعد اس بارے میں روہت شرما سے سوال کیا گیا تھا تو انہوں نے کہا تھا کہ محمد عامر کے بارے میں بات کرنا بند کر دیں، وہ واحد باؤلر نہیں بلکہ پاکستان کے پاس دیگر پانچ باؤلرز بھی ہیں جو ایک عرصے اچھی کارکردگی دکھا رہے ہیں۔بھارتی بلے باز نے کہا تھا کہ عامر کے بارے میں بہت زیادہ بات کی جاتی ہے اور بڑھا چڑھا کر پیش کرتے ہوئے حتیٰ کہ بعدض اوقات وسیم اکرم سے موازنہ شروع کردیا جاتا ہے جو غلط ہے ٗوہ ایک عام سے باؤلر ہیں تاہم محمد عامر نے اس بارے میں حال ہی میں پوچھے گئے سوال پر کہا کہ روہت شرما کو اپنی رائے رکھنا کا پورا حق ہے لیکن ہو سکتا ہے کہ اب ان کی رائے بدل چکی ہو۔یاد رہے کہ چیمپیئنز ٹرافی کے فائنل میں محمد عامر نے شاندار اسپیل کرتے ہوئے پورے ٹورنامنٹ میں رنز کے انبار لگانے والیک بھارتی ٹاپ آرڈر بلے بازوں شیکھر دھاون، ویرات کوہلی اور روہت شرما کو پویلین رخصت کر کے بھارتی ٹیم کی کمر توڑتے ہوئے پاکستانی ٹیم کی جیت کی راہ ہموار کی تھی اور عامر نے یہ بات اسی تناظر میں کی۔انہوں نے کہا کہ مجھے دوسرے کی اپنے متعلق آرا سے کوئی فرق نہیں پڑتا، میں صرف کارکردگی پر توجہی دیتا ہوں اور ہر شخص کو یہ رائے رکھنے کا حق ہے کہ وہ کسی کو عام باؤلر سمجھے، اچھا باؤلر یا غیرمعمولی ٗمیں اس بارے میں سوچ کر پریشان نہیں ہونا چاہتاالبتہ فاسٹ باؤلر نے واضح کیا کہ وہ روہت شرما کی بہت عزت کرتے ہیں اور انہیں ہرگز ایک عام بلے باز نہیں سمجھتے۔انہوں نے کہا کہ میں ایک بات واضح کرتا چلوں کہ میں روہت کو عام بلے باز نہیں سمجھتا، وہ ایک غیرمعمولی بلے باز ہیں اور بھارت کیلئے ان کا ریکارڈ بہت شاندار ہے۔