لاہور(آئی این پی)پانامہ کیس پر سپریم کورٹ کی جانب سے جاری کردہ تاریخی فیصلے کے بعد ملکی کرکٹرز کے ساتھ ساتھ غیر ملکی کھلاڑیوں کے پیغامات بھی سامنے آگئے ۔پاکستانی نژاد آسٹریلیوی لیگ سپنر فواد احمد نے ٹویٹر پر کہا کہ کیا شاندار کامیابی ہے ، پاکستانی عوا م کو مبارک باد،بہت اچھا کھیلے پاکستان،امید کی کرن۔۔سابق کپتان شعیب ملک نے لکھا کہ جیتے گا بھئی جیتے گا ، ہماراپاکستان جیتے گا ۔ وہاب ریاض نے کہا کہ دنیا میں ترقی سے بڑھ کر کوئی طاقت ورنہیں۔

پانامہ کیس پر سپریم کورٹ کی جانب سے جاری کردہ تاریخی فیصلے کے بعد قومی ٹیم کے سابق کپتان وقار یونس اور شاہد آفریدی کے پیغامات بھی سامنے آگئے ۔شاہد آفریدی کا کہنا تھا کہ پانامہ فیصلہ بہت دور رس نتائج کا حامل ہے ، اللہ کرے یہ نتائج پاکستان کے حق میں بہتر ہوں ،سابق کپتان وقار یونس نے عمران خان کومخاطب کرتے ہوئے کہا کہ کپتان آپ اپنے پختہ ارادے کے باعث کامیاب ہوئے ، پوری قوم کو آپ پر فخر ہے ۔

موضوعات:پانامہ کیس ملکی کرکٹرز