کراچی (آئی این پی)آئی سی سی چیمپینز ٹرافی کے فاتح کپتان سرفراز احمد نے بھارت کیخلاف فائنل میچ میں کیدھار جادیو کی وکٹ ملنے پر انتہائی پرجوش ہونے اور حسن علی اور شاداب خان پر غصہ چڑھنے سے متعلق انتہائی دلچسپ انکشاف کیا ہے ۔ تفصیلات کے مطابق چیمپئنز ٹرافی کے فائنل میں قومی بلے بازوں نے جہاں اپنی شاندار بیٹنگ سے بھارتی ٹیم کو پہاڑ جیسا ہدف دیا تو وہیں باؤلرز نے بھی عمدہ باؤلنگ کر کے یہ میچ ان سے چھین لیا تھا۔

اس بارے جب ان سے سوال کیا گیا کہ وہ عام طور پر اتنے پرجوش نظر نہیں آتے مگر کیدھار جادیو کی وکٹ ملنے پر ایسا ردعمل کیوں نظر آیا؟ جس پر انہوں نے کہا کہ جب مڈل آرڈر بلے باز کیدھار جادیو کھیلنے آئے تو قومی باؤلرز شاداب خان اور حسن علی نے انہیں غیر ضروری گیندیں کروائیں جس سے وہ سخت ناراض ہوئے۔تاہم جب وہ صرف 9 رنز بنا کر واپس پویلین لوٹے تو میں نے پرجوش انداز میں ان کے آؤٹ ہونے پر خوشی منائی۔

موضوعات:آئی سی سی چیمپینز ٹرافی سرفراز احمد