راولپنڈی(آئی این پی) قومی ٹیم کے نوجوان لیگ سپنر شاداب خا ن کے ٹیم میں آنے سے اس میں ایک نئی جان پڑ گئی ہے ، اسلام آباد یونائیٹڈ کی جانب سے پی ایس ایل کھیلنے والے شاداب خان ایک عمدہ لیگ سپنر ہونے کے ساتھ ساتھ کار آمد بلے باز اور بہترین فیلڈر ہیں اور حا ل میں ان کی سامنے آنے والی ایک ویڈیو نےان کی انکساری کا عالم بھی دنیا کو بتا دیا ہے۔ مذکورہ ویڈیو میں چیمپئنز ٹرافی جیتنے والی قومی ٹیم کے
اہم رکن اپنے آبائی علاقے میں لڑکوں کے ساتھ کرکٹ کھیلتے نظر آرہے ہیں اور پہلی نظر میں انہیں دیکھ کر شاید کوئی بھی یہ نہیں کہ سکتا ہے کہ یہ وہی بائولر ہے جس نے چیمپئنز ٹرافی کے فائنل میں یووراج سنگھ کو چکما دیکر پوویلین بھیجا تھا۔
مزید کھیل سے
عمر اکمل نے فٹنس کے لئے باکسنگ تربیت شروع کردی
لندن (آئی این پی)فٹنس مسائل میں گھرے ٹیسٹ کرکٹر عمر اکمل نے فٹنس کو بہتر بنانے کے لئے باکسنگ کی تربیت شروع کردی ہے۔سوشل میڈیا پر عمر اکمل کی ایک ویڈیو وائرل ہوئی ہے جس میں وہ انگلینڈ کے ایک گھر میں باکسنگ کرتے ہوئے دکھائی دے رہے ہیں۔یہ ویڈیو ایسے وقت پر آئی ہے جب قومی سلیکشن کمیٹی انہیں سینٹرل کنٹریکٹ سے باہر کررہی ہے۔عمر اکمل لاہور میں ہائی پر فارمنس کیمپ چھوڑ کر لندن چلے گئے ہیں جس پر بورڈ حکام اور سلیکٹرز سخت ناراض ہیں۔ذرائع کا کہنا ہے کہ مڈل آرڈر بیٹسمین عمراکمل گھٹنے کی انجری کا شکار ہو گئے ہیں۔وہ یہ کہہ کر بر طانیہ گئے ہیں کہ وہ انگلینڈ میں گھٹنے کا علاج کرائیں گے اور وہیں بحالی پروگرام میں حصہ لیں گے۔
