لاہور(مانیٹرنگ ڈیسک) بھارت کے پاکستان کیخلاف سیریز کھیلنے سے مسلسل انکار اور ہرجانہ نہ دینے کے بعد پی سی بی نے بھارتی بورڈ کیخلاف آئی سی سی تنازع کمیٹی میں جانے کا فیصلہ کرلیا۔باہمی سیریز کے حوالے سے دونوں ممالک کے درمیان پہلے دبئی اورپھر انگلینڈ میں مذاکرات ہوئے جو نتیجہ خیز ثابت نہ ہوسکے۔ پاکستان ہرجانہ طلب کرتا رہا جبکہ بھارت نےٹال مٹول سےکام لیا۔

اب پی سی بی نے بھارت کیخلاف آئی سی سی کی تنازع کمیٹی میں جانے کی ٹھان لی ہے۔ اس سلسلے میں انگلینڈ کی لافرم کی خدمات بھی حاصل کی جائیں گی۔دونوں ممالک کے درمیان آٹھ سال میں چھ سیریز ہونا تھیں جن میں سےچارکی میزبانی پاکستان اوردو کی بھارت نے کرنا تھی۔ لیکن اب تک ایک بھی سیریز نہ ہوسکی جس پر پی سی بی کو بھاری نقصان اٹھانا پڑا اور اس نےبھارتی بورڈ کو ہرجانے کا نوٹس بھی بھیجا تھا۔

موضوعات:پاکستان بھارت پی سی بی