کراچی ( این این آئی )سابق کپتان شاہد خان آفریدی نے کہا ہے کہ قومی ٹیم نے بھارت سے میچ جیت کر تاریخ رقم کر دی اور کامیابی سے بھارت کو باپ اور بیٹے کے رشتے کا بھی پتہ چل گیا ہو گا۔ایک تقریب سے خطاب کرتے ہوئے انہوں نے کہا کہ ایک کپ جیت کر یہ نہیں سمجھنا چاہیے کہ دنیا فتح کر لی، مسلسل جیت کے لئے ڈومیسٹک کرکٹ کو بہتر کرنا ہو گا، سینئر کھلاڑی اس وقت جائیں جب ان کے پیچھے آنے والا تیار ہو گا۔ آفریدی نے کہا کہ انہیں اندازہ نہیں تھا
کہ پاکستانی ٹیم فائنل میں پہنچ جائے گی اور جس طرح لوگوں نے قومی کرکٹرز کا وطن واپس پہنچنے پر استقبال کیا وہ قابل فخر ہے۔انہوں نے ڈومیسٹک کرکٹ میں بہتری کی ضرورت پر زور دیتے ہوئے کہا کہ حکومت کی طرف انگلی اٹھانا آسان ہوتا ہے، ہمیں خود بھی کچھ کرنا چاہیے، اچھی نیت ہوتی ہے تو اچھے لوگ مل جاتے ہیں اور اللہ بھی مدد کرتا ہے۔شاہد آفریدی کا مزید کہنا تھا کہ میری فاؤنڈیشن کا مقصد ملک اور لوگوں کی بہتری کے لئے کام کرنا ہے،۔
