راولپنڈی (آئی این پی )وطن واپسی پر اپنے پیاروں اور ہم وطنوں کی دعاوں سے کرکٹ کے فائنل میں عظیم کامیابی حاصل کرنے والے عماد وسیم اور شاداب خان کا کہنا تھا کہ ان کے لئے اوول کے تاریخی سٹیڈیم میںآئی سی سی چیمپئنز ٹرافی کا فائنل ان کے لئے ہمیشہ یاد گار رہے گا اور اللہ تعالی نے انہیں قومی کی دعاوں کے طویل جس طرح سرخرو کیا اور اہل وطن نے جن والہانہ جذبوں سے واپسی پر ان کا استقبال کیا اس کا وہ جس قدر بھی شکریہ ادا کرنا چاہیں وہ کم ہے۔ انہوں نے کہاکہ پاکستان کا نام دنیا میں روشن کرکے انہیں جو دلی خوشی حاصل

ہوئی ہے وہ لفظوں میں بیان میں کی جاسکتی ۔ دونوں کھلاڑیوں گفتگو کرتے ہوئے اس عزم کا اظہار کیا کہ وہ آئندہ مقابلو ں میں مزید بہتر کارکردگی کا مظاہرہ کریں گے ،راولپنڈی پہنچنے والے دونوں قومی کھلاڑیوں کے استقبال کے موقع پر سلفی گروپ نے یلغار کر دی اور کھلاڑیوں کو گھیرے میں لے کر ان کے ساتھ سلفیاں بنا تے ہوئے خوشوگوار لمحوں کو یادگار بنایا، اس موقع پر شہری ہوابازی ، ایئرپورٹ سیکورٹی فورس اور ایئرپورٹ پر تعینات دیگر اداروں کے عملے کے اراکین بھی قومی ہیروز کے ساتھ تصاویر بنانے کی جدو جہد میں مصروف رہے۔