لندن (این این آئی) پاکستان سپر لیگ فکسنگ سکینڈل کی تحقیقات کا دائرہ کار وسیع کر دیا گیا ٗ مبینہ طور پر قومی کرکٹر ناصر جمشید اور بکی یوسف کو گرفتار کرلیا گیا ہے۔نجی ٹی وی کے مطابق مبینہ طور پر پی ایس ایل فکسنگ سکینڈل میں ملوث 2 افراد کو برطانیہ میں گرفتار کیا گیا جنہیں بعد ازاں ضمانت پر رہا کردیا گیا۔ حکام کی جانب سے دونوں افراد کی شناخت ظاہر نہیں کی جا رہی تاہم کہا جا رہا ہے کہ دونوں کی عمریں 30

سے 40 سال کے درمیان ہیں۔دوسری جانب نجی ٹی وی نے پی سی بی اور آئی سی سی ذرائع کے حوالے سے دعویٰ کیا ہے کہ آئی سی سی کے انویسٹی گیٹر اور پی سی بی کے اینٹی کرپشن یونٹ نے برطانیہ کی نیشنل کرائم ایجنسی کو پی ایس ایل میں فکسنگ کے ثبوت دئیے تھے جس کے بعد نیشنل کرائم ایجنسی نے ایکشن لیتے ہوئے ناصر جمشید اور مشکوک سٹے باز یوسف کو گرفتار کرلیا ہے۔

موضوعات:پاکستان سپر لیگ