اسلام آباد (مانیٹرنگ ڈیسک) انگلینڈ نے چوتھے اور سیریز کے آخری ٹیسٹ میچ میں پاکستان کے خلاف ٹاس جیت کر پہلے بیٹنگ کا فیصلہ کیا ہے۔پاکستان اور انگلینڈ کی ٹیمو ں نے ٹا س کے بعد دونو ں ٹیمو ں نے کا لیا ں پٹیا ں بند کر سا نحہ کو ئٹہ پر ایک منٹ کی خا مو شی اختیا ر بھی ۔اوول ٹیسٹ کے پہلے روز پاکستانی باؤلرز نے انگلش بلے بازوں کے دانت کھٹے کر دیے ۔اوپنر ایلکس ہیلزکو محمد عامر نے پوویلین بھیجا جس کے بعد سہیل خان نے الیسٹر کک کی وکٹ اڑائی ۔۔ٹیم میں واپسی کرنے والے وہاب ریاض نے اپنے 6سال پہلے کے باؤلنگ سپیل کی یاد تازہ کرتے ہوئے جو روٹ کے بعد جیمزونس کو آؤٹ کرکے میزبان ٹیم کی مشکلات میں اضافہ کردیا ۔
تفصیلات کے مطابق پاکستان اور انگلینڈ کے درمیان ٹیسٹ سیریز کا آخری ٹیسٹ میچ آج کھیلا جارہا ہے جس میں انگلینڈ کی ٹیم نے پہلے ٹاس جیت کر بیٹنگ کا فیصلہ کیا ہے ۔ اس موقع پر میڈیا سے گفتگو کرتے ہوئے انگلش کپتان الیسٹر کک کا کہنا تھا کہ وکٹ بیٹنگ کیلئے ساز گار دکھائی دیتی ہے اس لیے ٹاس جیت کر پہلے بیٹنگ کا فیصلہ کیا ہے کیونکہ چوتھی اننگز کھیلنے والی ٹیم مشکل میں ہوسکتی ہے ۔پاکستان ٹیم کے کپتان مصباح الحق کا کہنا تھا کہ ہم بھی ٹاس جیت کر پہلے بیٹنگ کرنا چاہتے تھے ۔ ٹیم میں دو تبدیلیاں کی گئی ہیں اور محمد حفیظ کی جگہ افتخار احمد کو شامل کیا گیا ہے جبکہ راحت علی کی انجری کی وجہ سے وہاب ریاض کی ٹیم میں واپسی ہوئی ہے۔واضح رہے کہ پاکستان اور انگلینڈ کی کرکٹ ٹیموں کے درمیان کھیلی جارہی سیریز میں انگلینڈ کو پاکستان ٹیم پر 2-1 کی برتری حاصل ہے۔