اسلام آباد (نیوز ڈ یسک) ایران میں تیل کے ذخائر پر اسرائیلی حملوں کے بعد امریکا اور اسرائیل کے درمیان اختلافات کی خبریں سامنے آئی ہیں۔

امریکی ویب سائٹ Axios کے مطابق بعض امریکی حکام کا کہنا ہے کہ اسرائیل نے ایران میں تقریباً 30 آئل ڈپو کو نشانہ بنایا، جبکہ اس سے قبل امریکا کو حملوں کی جو تفصیلات بتائی گئی تھیں، ان میں اتنے بڑے پیمانے کا ذکر نہیں تھا۔ اس صورتحال پر واشنگٹن نے اسرائیلی حکام کے سامنے اپنی تشویش کا اظہار بھی کیا۔امریکی عہدیداروں کے مطابق تیل کے ذخائر پر حملوں کے نتیجے میں عالمی منڈی میں خام تیل کی قیمتوں میں نمایاں اضافہ ہو سکتا ہے، جس کے اثرات بین الاقوامی معیشت پر بھی پڑ سکتے ہیں۔

دوسری جانب اسرائیلی فوج کا مؤقف ہے کہ ان مقامات کو فوجی ضروریات کے لیے بھی استعمال کیا جا رہا تھا اور مختلف علاقوں میں عسکری سرگرمیوں کے لیے وہاں سے تیل کی فراہمی کی جاتی تھی۔