مانچسٹر(مانیٹر نگ ڈیسک ) پاکستان اور انگلینڈ کے درمیان اولڈٹریفورڈ گراؤنڈ میں کھیلے جانے والے دوسرے ٹیسٹ میں محمد عامر کوشائقین کی جانب سے شدید ہوٹنگ کا سامنا کرنا پڑا۔برطانوی میڈیا کے مطابق فاسٹ بولرمحمد عامر کو دوسرے ٹیسٹ میں مشکلات کا سامنا رہا، تماشائی محمد عامر کو ’’نو بال، نو بال ‘‘ کہہ کر چڑاتے رہے۔برطانوی میڈیا کے مطابق 2010 میں اسپاٹ فکسنگ کے جرم میں سزا کاٹنے والے محمد عامر نے پانچ سال کی پابندی کرکٹ کا دوبارہ سے آغازتوکر دیا مگر ان کی مشکلات ختم نہ ہوئیں۔
دوسری جانب برطانوی کپتان ایلسٹرکک کا کہنا ہے کہ تماشائیوں کی جانب سے گراؤنڈ میں محمد عامرپر کی جانے والی ہوٹنگ پر حیرانی نہیں ہوئی کیونکہ پاکستانی فاسٹ بولر نے جو کیا اس پرعوامی ردعمل فطری ہے۔