اولڈ ٹریفورڈ(نیوزڈیسک)دوسرا ٹیسٹ،انگلینڈ نے رنزکاپہاڑ کھڑاکردیا،پاکستان کو ابتداء میں ہی بڑا نقصان،محمدحفیظ اٹھارہ رنز پر ہی پویلین واپس لوٹ گئے انہیں ووکس نے روٹ کے ہاتھوں نشانہ بنایا،جبکہ اظہر علی بھی صرف ایک رنز پر ووکس کا ہی نشانہ بنے اظہر علی کا ووکس نے اپنی ہی بال پر آسان کیچ تھاما،589رنز کے تعاقب میں پاکستان کے 43رنز پر دو کھلاڑی آؤٹ ہوچکے ہیں،انگلینڈ نے اولڈ ٹریفورڈ ٹیسٹ میں رنز کا پہاڑ کھڑا کر دیا۔ میزبان ٹیم نے اپنی پہلی اننگز پانچ سو نواسی رنز آٹھ کھلاڑی آوٹ پر ڈکلئیر کر دی۔ پاکستان کی بیٹنگ جاری ہے۔اولڈ ٹریفورڈ میں انگلش بلے بازوں نے پاکستانی بولنگ کے بخیے ادھیڑ دیے۔ کپتان الیسٹر کک نے سنچری اور جو روٹ نے ڈبل سنچری داغ دی۔ دونوں بلے بازوں نے دوسری وکٹ کی شراکت میں ایک سو پچاسی رنز جوڑے۔ الیسٹر کک نے انتیسویں سنچری میں پندرہ زور دار چوکے لگائے۔ جو روٹ نے دوسوچون رنز کی کیرئر بیسٹ اننگز کھیلی۔ اسٹائلش بلے باز نے میراتھن اننگز میں ستائیس چوکے لگائے۔ آل راونڈر کرس ووکس اور وکٹ کیپر جونی بئیر اسٹو نے بھی نصف سنچریاں سکور کیں۔ انگلینڈ نے پہلی اننگز چائے کے وقفے کے بعد پانچ سو نواسی رنز آٹھ کھلاڑی آوٹ پر ڈکلیر کی۔ پاکستان کی طرف سے وہاب ریاض نے تین ، محمد عامر اور راحت علی نے دو، دو شکار کیے۔