لندن( نیوز ڈیسک) لندن میں لارڈز کے تاریخی میدان پر پاکستان اور انگلینڈ کے مابین جاری پہلے کرکٹ ٹیسٹ میچ میں پاکستان نے چار وکٹوں کے نقصان پر 203 رنز بنا لیے ہیں۔کپتان مصباح الحق کے بعد اسد شفیق بھی اپنی نصف سنچری مکمل کر کھیل رہے ہیں۔ دونوں کھلاڑیوں کے مابین 94 رنز کی شراکت ہو چکی ہے۔آخری آؤٹ ہونے والے کھلاڑی یونس خان تھے جو 33 رنز بناکر سٹیو براڈ کی گیند پر کیچ آؤٹ ہو گئے۔انگلش کپتان ایلسٹر کک نے ابتدائی چالیس اوور فاسٹ بولروں سے کروانے کے بعد آف سپنر معین علی کو بولنگ کے لیے بلایا ہے لیکن صرف دو اووروں کے بعد انھیں بولنگ سے ہٹا لیا۔پاکستانی بلے بازوں نے معین علی کا استقبال چوکوں کے ساتھ کیا اور ان کے دو اووروں میں چودہ رنز بنے۔