دہلی (آئی این پی) بھارتی کرکٹ ٹیم کے مشہور اسپنر ہربھجن سنگھ نے ایک ٹی وی شو میں انکشاف کیا ہے کہ انھیں اور یووراج سنگھ کو پاکستان کے فاسٹ باؤلر شعیب اختر نے بہت مارا تھا، ہربھجن سنگھ نے ہندوستانی ٹی وی کے شو ‘آپ کی عدالت’ کے دوران کرکٹ کے میدان میں ہونے والے دلچسپ واقعات بیان کرتے ہوئے کہا کہ شعیب اختر نے کہا تھا میں تمھارے کمرے میں گھس کر ماروں گا تو میں نے کہا کہ آجا دیکھ لیتے ہیں کون کس کو مارتا ہے اور میں ڈر گیا تھا کیونکہ وہ تگڑا اتنا تھا ۔ان کا کہنا تھا کہ ایک بار مجھے اور یورواج سنگھ کو اپنے کمرے میں پٹخ پٹخ کر بہت مارا تھا کیونکہ وہ تگڑا بہت تھا اورہماری پکڑ میں نہیں آرہا تھا وہ تو تین لوگوں کی پکڑ میں نہیں آتا تھا اور ایک بار یوراج کو پھینک دیا، یورواج مجھ سے زیادہ مضبوط ہیں ان کو پھینک دیا تو میں کونے میں جاکر کہنے لگا نہ کر نہ کر ۔ہربھجن نے دنیا کے تیز ترین بالر کیساتھ میدان میں پیش آنے والے واقعے کو بیان کرتے ہوئے کہا کہ ‘شعیب اختر نے مجھے بہت گالیاں دی، وہ ایک ایسا بندہ تھا جو ہمارے ساتھ گھل مل کر رہتا تھا ہمارے ساتھ اٹھتا بیٹھتا اور کھاتا تھا اور ہمارے بہت قریب تھا ۔ان کا کہنا تھا کہ شاید ہم زیادہ قریب ہوئے تو انھوں نے یہ ضمانت لی کہ بھجی مجھے کیسے چھکا مار سکتا ہے اور جب میں نے چھکا مارا تو وہ حیران ہوئے اور اگلی دو گیندیں بانسر کی اس کے بعد انھوں نے گالی دی اور جواب میں میں نے بھی گالی دی ۔ان کا کہنا تھا کہ یہ ایک ایسا واقعہ تھا کہ میں بیان نہیں کرسکتا کیونکہ ہم بہت اچھے دوست ہیں تاہم میدان سے باہر جا کر ہم پھر دوست تھے اور سب کچھ بھول گئے۔ہربھجن سنگھ نے آسٹریلیا کے سابق کھلاڑیوں مک گرا، ڈیرن لیہمن، اینڈریوسائمنڈز اور رکی پونٹنگ کے ساتھ الجھنے کے واقعات بھی بتائے۔واضح رہے کہ ہندوستانی ٹیم کے اینگری ینگ مین کے لقب سے مشہور ہربجھن سنگھ نے انڈین پریمیئر لیگ کے دوران اپنے ساتھی کھلاڑی سری سانت کو تھپڑ رسید کیا تھا تاہم بعد میں اپنی غلطی تسلیم کرتے ہوئے معافی مانگ لی تھی۔