لندن(آئی این پی)برطانوی میڈیا سپاٹ فکسنگ کیس میں سزا مکمل کرنے کے بعد پہلی بار ٹیسٹ کرکٹ میں واپسی کرنے والے فاسٹ باؤلر محمد عامر کو دباؤ میں لانے کے لیے اوچھے ہتھکنڈو ں پر اتر آیا ۔ 24سالہ فاسٹ بالر نے سمر سیٹ کیخلاف تین روزہ پریکٹس میچ میں شاندار باؤلنگ کرکے برطانوی ٹیم کے لیے خطرے کی گھنٹی بجائی تو اپنی ٹیم کو خطرے میں دیکھ کر برطانوی میڈیا پر میدان میں اتر آیا اور بی بی سی سپورٹس نے صحافتی اقدار کی دھجیاں بکھیرتے ہوئے اپنی ویب سائٹ پر محمد عامر کے لیے سزا یافتہ سپاٹ فکسر کے الفاظ استعمال کرکے کرکٹ شائقین اور کئی کرکٹرز کو بھی کو حیران کردیا ۔برطانوی آل رانڈر روی بوپارہ نے ٹویٹ کیا کہ عامر نے شاندار بالنگ کا مظاہرہ کیا اور بی بی سی کو اس سے زیادہ اچھی ہیڈ لائن نہیں ملی ؟۔