ٹانٹن(آئی این پی ) قومی ٹیم کے تجربہ کار بلے باز یونس خان نے 10سال کے لمبے عرصے کے بعد گوروں کے دیس میں سنچری سکور کرڈالی۔38سالہ یونس خان نے کاؤنٹی گراؤنڈ ،ٹانٹن میں سمر سیٹ کیخلاف تین روزہ پریکٹس میچ کے دوسرے دن وین میکرن کی گیند پر 2رنز لیکر اپنے فرسٹ کلاس کیریئر کی 53ویں سنچری مکمل کی جو ان کی برطانوی سر زمین پر 10سال کے عرصے میں پہلی سنچری تھی۔ اس سے پہلے انہوں نے 2006ء کے دورہ انگلینڈ میں لیڈز کے مقام پر 173رنز کی شاندار باری کھیلی تھی ، یونس پی سی بی سے تعلقات خراب ہونے کے باعث 2010ء کے دورہ انگلینڈ کیلئے ٹیم کا حصہ نہیں بنے تھے۔سہ ملکی میچ کے دوسرے روز پاکستان نے اپنی پہلی اننگز 359رنز 8وکٹوں کے نقصان پر ڈکلیئر کردی ہے۔