اسلام آباد(مانیٹرنگ ڈیسک)قومی کرکٹ ٹیم کے اوپننگ بلے باز احمد شہزادنے تھیلیسیمیا کے مریض بچے کاعلاج کرانے کا اعلان کردیا ہے۔ تفصیلات کے مطابق کرکٹر احمد شہزاد کا کہنا تھا کہ میڈیا پر خبریں چلنے کے بعد تھیلیسیمیا کے مریض 2 سال کے وقاص کے علاج کیلئے کراچی آیا ہوں۔ وقاص کے تھیلیسیمیا کے آخری سٹیج پر ہونے کی خبروں پر قدم بڑھایا ہے۔ انہوں نے کہا کہ لوگ مجھے سیلفی کنگ کہتے ہیں اس لئے بچے کے ساتھ بھی سیلفیاں بنا رہا ہوں ۔ ڈاکٹروں کا کہنا ہے کہ وقاص کے بھائی کا خون میچ ہو رہا ہے جس سے وقاص کے ٹھیک ہونے کی امید ہے۔ احمد شہزاد نے کہا کہ انہوں نے جیسے ہی یہ خبر سنی کے وقاص کے بچنے کی امید ابھی باقی ہے تو وہ فوراٍ کراچی آگئے ہیں اور اس بچے کے علاج کیلئے ہر ممکن تعاون کریں گے۔