لاہور (مانیٹرنگ ڈیسک)پاکستان کرکٹ بورڈ نے ویسٹ انڈیز کے خلاف سیریز کا مجوزہ شیڈول متعلقہ بورڈ کو بھجوا دیا ٗ سیریز کے وینیوز اور تاریخوں کو حتمی شکل دینے کیلئے بات چیت کا سلسلہ جاری ہے ٗعید کے بعد شیڈول کا اعلان کیا جائے گا ۔مجوزہ شیدول کے مطابق ٹی ٹوئنٹی میچز 23 اور 24 ستمبر کو دبئی اور 27 ستمبر کو شارجہ میں کرائے جائیں گے۔ ون ڈے میچز 30 ستمبر کو دبئی ، 2 اکتوبر کو شارجہ اور 5 اکتوبر کو ابوظہبی میں کرانے کی تجویز ہے
ٗپہلا ٹیسٹ 13 اکتوبر سے ابو ظہبی ، دوسرا ٹیسٹ 21 اکتوبر سے دبئی اور تیسرا ٹیسٹ30 اکتوبر سے شارجہ میں شیڈولڈ کیا گیا ٗڈے اینڈ نائٹ ٹیسٹ ابوظہبی میں کرانے کی تجویز دی گئی ہے اس کے علاوہ ڈے اینڈ نائٹ ٹیسٹ سے پہلے 7 سے 9 اکتوبر تک شارجہ میں پریکٹس میچ کرایا جائیگا ٗٹائیگر ووڈز برٹش اوپن کا حصہ نہیں بن سکیں گے امریکی گالفر ٹائیگر ووڈز برٹش اوپن کا حصہ نہیں بن سکیں گے۔ٹائیگر ووڈذ سرجری کے بعد عملی طور پر کھیل کے میدان میں واپس آچکے ہیں تاہم برٹش اوپن مقابلے میں حصہ لینے کے لئے خود کو مقررہ مدت سے پہلے رجسٹرڈ نہیں کراسکے جس کے باعث منتظمین نے ان کو ایونٹ میں حصہ لینے سے روک دیا ۔