لندن (این این آئی) چیئر مین پاکستان کرکٹ بورڈ شہریار خان نے کہا ہے کہ وزیر اعظم نے مجھے کام جاری رکھنے کوکہاہے،میں نے ان کاکہامان لیاہے،اگلے برس اگست تک کام جاری رکھوں گا۔میڈیا رپورٹ کے مطابق شہریارخان نے نوازشریف سے ملاقات کے حوالے سے بتایا کہ ملاقات میں کرکٹ سے متعلق بھی بات چیت ہوئی،پیٹرن ان چیف نوازشریف سے ملاقات میں انکی خیریت بھی دریافت کی ۔انہوں نے کہا کہ وزیر اعظم نے مجھے بحیثیت چیئر مین پاکستان کرکٹ بورڈ کام جاری رکھنے کیلئے کہا ٗمیں نے ان کی بات مان لی ہے اور اگلے سال اگست تک کام جا ری رکھوں گا۔نجم سیٹھی کے حوالے سے گفتگو میں شہریار خان نے کہا کہ نجم سیٹھی پرانے دوست ہیں،ملکرفیصلے کرنیکی کوشش کرتے ہیں،چیئرمین کی حیثیت سے میں تمام فیصلوں کاذمے دارہوں۔