لاہور(مانیٹرنگ ڈیسک) پاکستان کرکٹ بورڈ کے چیئرمین شہریار خان ایک ماہ کی چھٹیوں پر انگلینڈ روانہ ہو گئے ۔پاکستان کرکٹ بورڈ میں کافی روز سے افواہیں گردش کر رہی ہیں کہ شہریار خان چھٹیوں سے واپسی پر چیئرمین کے عہدے سے استعفیٰ دے دیں گے۔ اگرچہ وہ خود اس خبر کی تردید کر چکے ہیں ۔27جون سے آئی سی سی کا اجلاس شروع ہو رہا ہے جس میں شہریار خان بھی شرکت کریں گے ۔ اس سے پہلے بھی گرمیوں میں شہریار خان رخصت پر جا چکے ہیں ۔ ان کی عدم موجودگی میں ایگزیکٹو کمیٹی کے سربراہ نجم سیٹھی اور چیف آپریٹنگ آفیسر سبحان احمد بورڈ کے معاملات دیکھیں گے ۔‎