نئی دہلی (این این آئی)فکسنگ میں سزا یافتہ ٹیسٹ کرکٹر دانش کنیریا بھارت میں پاکستان کرکٹ بورڈ کے خلاف پھٹ پڑے ۔ بھارتی میڈیا کو انٹرویو دیتے ہوئے دانش کنیریا نے کہاکہ ان کے خلاف سپاٹ فکسنگ کے ٹھوس شواہد نہیں تھے تاہم پی سی بی نے انہیں سپورٹ نہیں کیا جس کی وجہ سے تاحیات پابندی کا سامنا کرنا پڑا ۔ پاکستان کی جانب سے سب سے زیادہ وکٹیں لینے والے سپنر نے پی سی بی حکام کو کڑی تنقید کا نشانہ بناتے ہوئے کہا کہ پاکستان نے پیار دیا تاہم پی سی بی نے انہیں تنہا چھوڑ دیا ۔35 سالہ دانش کنیریا پر الزام کہ انہوں نے 2009 میں ایسکس کاؤنٹی کی نمائندگی کرتے ہوئے مبینہ طورپر سپاٹ فکسنگ کی ۔