کراچی(مانیٹرنگ ڈیسک) سابق ٹیسٹ کپتان و سابق چیف سلیکٹر معین خان نے کہا ہے کہ دورہ انگلینڈ آسان نہیں ٗپاکستان ٹیم کو ہم آہنگی کے ساتھ سخت محنت کرنا ہوگی ٗتوجہ کا مرکز بننے والے فاسٹ بولر محمد عامر کو خود کو میڈیا سے دور رکھنا ہوگا۔ میڈیا سے گفتگو کرتے ہوئے معین خان نے کہا کہ دور ہ انگلینڈ کبھی بھی آسان نہیں رہا ٗمصباح الحق بہترین قیادت کی بھر پور صلاحیت رکھتے ہیں تاہم ہمارے کھلاڑیوں کو اس سیریز کو آسان نہیں لینا ہوگا ٗپاکستانی بولنگ قدرے بہتر تاہم بیٹنگ پر توجہ کی ضرورت ہوگی، سزا ختم کرنے کے بعد محمد عامر کا سفر اسی جگہ سے شروع ہوگا جہاں رکا تھا، عامر کو انگلش میڈیا سے دور رکھنا ضروری ہے، مقامی میڈیا بات کا بتنگڑ بنانے میں دیر نہیں کرتا، انھوں نے کہا کہ پاکستان کرکٹ ٹیم کو سری لنکا سے بہتر کہا جا سکتا ہے۔