لاہور ( این این آئی)پی سی بی ذرائع کے مطابق شہریار خان چھٹیوں کے بعد بیس اگست سے اپنے عہدے سے الگ ہو سکتے ہیں اس لیئے یہ ان کا آخری اجلاس قرار دیا جا رہا ہے۔ پاکستان کرکٹ بورڈ کی گورننگ باڈی کا اجلاس ہفتے کو لاہور میں طلب کرلیا گیا ۔ نیشنل کرکٹ اکیڈمی لاہور میں ہونے والے اجلاس کی صدارت چیئرمین شہریارخان کریں گے۔ اجلاس میں بجٹ پر تفصیلی بحث جب کہ کرکٹ کمیٹیوں سمیت دیگر کمیٹیوں کے کاموں میں پیش رفت پر بات چیت ہو گی ۔دورہ انگلینڈ کے لیے قومی ٹیم کی تیاری پر بھی اجلاس میں بات ہو گی۔ بورڈ ذرائع کے مطابق امکان ظاہر کیا جا رہا ہے کہ یہ چیئرمین شہریار خان کی صدارت میں ہونے والا آخری گورننگ بورڈ اجلاس ہوگا۔جون کے وسط میں چیئرمین پی سی بی شہریار خان اپنی سالانہ چھٹیوں پر جا رہے ہیں لیکن وہ اس دوران آئی سی سی کے سالانہ اجلاس میں ضرور شرکت کریں گے۔