لندن(این این آئی) انگلینڈ کی ٹیم ویان رونی کی قیادت میں جیت کا عزم لئے آئندہ ہفتے شیڈول یورو فٹ بال چمپئن شپ میں شرکت کیلئے فرانس پہنچ گئی۔ انگلش ٹیم 11 جون کو روس کے خلاف مہم کا آغاز کرے گی۔ یورو چمپئن شپ 10 جون سے 10 جولائی تک فرانس میں کھیلی جائیگی جس میں دنیائے فٹ بال کی ٹاپ 24 ٹیمیں ٹائٹل کے حصول کیلئے ایکشن میں دکھائی دیں گی، سپین کی ٹیم ٹائٹل کا دفاع کرے گی۔ انگلش ٹیم کو میگا ایونٹ میں گروپ بی میں روس ویلز اور سلواکیہ کے ساتھ رکھا گیا ہے اور وہ ایونٹ کے ابتدائی میچ میں 11 جون کو روس کے مدمقابل ہو گی، انگلش ٹیم ایونٹ میں اپنا دوسرا گروپ میچ 16 جون کو ویلز ٗ تیسرا اور آخری گروپ میچ 20 جون کو سلواکیہ کے خلاف کھیلے گی۔